ANTHESPHORIA

ANTHESPHORIA

festivitas fuisse traditur, quae in honorem Proserpinae fiebat, sie dicta a legendis floribus. Num ea, cum a Dite rapta est, floribus legendis erat intenta; ut ex Ovidio liquet Met. l. 5. v. 391.

---- Quo dum Proserpina luco

Ludit, et aut violas, aut candida lilia carpit;

Dumque puellari studiô, calathosque sinumque

Implet, et aequales certat certat superare legendo,

Pene simul visa est, dilectaque, raptaque Diti.

Claudian. l. 2. de raptu Proserp. v. 122.

---- Sic fata doloris

Carpit signa sui. Varios tum cetera saltus

Invasêre cohors, credas examina fundi

Hyblaeum raptura thymum, cum cerea Reges

Castra movent; fagique cavâ demissus ab alvo

Mellifer electis exercitus obstrepit herbis.

Pratorum spoliatur honos: haec lilia fuscis

Intexit violis: hanc mollis amaracus ornat:

Haec graditur stellata rosis; haec alba ligustris.

v. 137. Aestuat ante alias avido fervore legendi

Frugiferae spes una Deae: nunc vimine textô

Ridentes calathos spoliis agrestibus implet.

Nunc sociat flores, seseque ignara coronat

Augurium satale tori.

Porro Ἀνθεσφόρια, Latine Florifertum dixeris : de quo Festus, Florifertum dictum, quod eo die spicae feruntur ad sacrarium. De cetero, num quidquam haec inter se habeant commune, compertum non habeo. Verum Anthesphoria Siculos Proserpinae dicâsse certum est.

Pollux l. 1. c. 1. Κόρης ἑορτὴ παρὰ Σικελιώταις, Α᾿νθεσφόρια. Quorum cam esse causam puto, quod (ut verbis Arnobii utar, l. 5.) quôdam tempore, cum in Siciliae pratulis pur pureos legeret nondum mulier flores, et adhuc virgo Proserpina, cumque illam per floream messem, hinc atque illinc, passim lectionis cupiditas avocaret, per prosundae altitudinis speluncam Rex prosiliens Manium, raptam virginem secum vexerit. Nic. Lloydius.